Стрелецот на голот за Бугарија во дуелот со Македојнија, Кирил Десподов, по натпреварот изјави дека е разочаран што неговите фудбалерите успеале да победат, иако во текот на целиот натпревар беа во подредена улога.

Бугарија и Македонија во Разград одиграа 1:1, а „црвено-жолтите“ доминираа во текот на целиот натпревар, имаа поголем посед на топката (53-47),повеќе точни додавања (356-264) повеќе корнери (5-0), повеќе шутеви (15-3) како и повеќе шутеви во рамките на голот (5-1).

– Да бидам искрен ние од овој натпревар сакавме само победа. И затоа може да кажам дека сум разочаран. Пристапивме на дуелот со желба за триумф, но Македонија беше подобра. Противникот покажа дека има квалитетни фудбалери, а ние во одредени моменти не одговоривме најдобро. Сега ќе треба добро да одиграме и задолжително да дојдеме до победа со Грузија затоа што загубивме два планирани бода од домашен терен – рече Десподов.

Селекторот на Бугарија, Јасен Петров, пак изјави дека неговите фудбалери не одиграле на посакуваното ниво.

– Мислам дека не одигравме на нивото на кое посакувавме. Имавме одредени проблеми, некои играчи потфрлија но факт е дека градиме нова репрезентација. Направивме многу индивидуални грешки на средината од теренот и му дозволивме на противникот да развива игра. Знаевме дека не чека тежок противник, знаевме дека Македонија има селекција која долго ја гради и тоа носи резултати. Ете и голот го примивме по наша грешка и на крај тоа ни ја украде победата. На крајот на краиштата имаме уште пет натпревари во групата. Ние имаме еден бод, и Македонија има еден, така да треба да го дадеме максимумот до крајот и да дојдеме до посакуваното прво место – рече Петров.