Лионел Меси и Жерар Пике беа предводници на бунтот против управата на клубот која поради пандемијата на коронавирусот сака играчите со новите договори да имаат помали плати.

ВИДЕО: Барса пукна „петарда“, Рашфорд им пресуди на париските „светци“!

Но, вчера се случи нешто неочекувано, набрзо по убедливиот старт во Лигата на шампионите и сигурната победа од 5:1 над Ференцварош, клубот објави дека четворица фудбалери потпишале нови договори.

Односно, фудбалерите се согласиле да им се намалат платите, а тоа се Марк Андре тер Штеген, Клемен Ленгле, Френки де Јонг и Жерар Пике.
„Договорот со овие играчи е постигнат по неколкучасовни преговори и вклучува привремено прилагодување на актуелните состојби кои ги донесе кризата предизвикана од пандемијата на коронавирусот“, објави Барселона.

Оваа вест не би била чудна доколку пред само два дена играчите не и испратија писмо на управаТа во која ја известуваат дка не се согласуваат со предлогот за привремено намалување на плаите.

Како причина за намалување на платите, управата тврди дека така би се спасиле работните места на останатите вработени. Потписници на писмото се „сенаторите“ на Барселона, Лионел Меси, Серхио Бускетс, Серхио Роберто и Жерар Пике. Но, од друга страна пет фудбалери не го потпишаа писмото и тоа Тер Штеген, Ленгле, Де Јонг, Пјаниќ и најновото засилување Держињо Дест.

? LATEST NEWS!

4⃣ Renewals! ✍

✅ @3gerardpique
✅ @mterstegen1
✅ @clement_lenglet
✅ @DeJongFrenkie21

ℹ All the details! ▶️ https://t.co/4h8bwbhscO pic.twitter.com/94upzGMhTQ

— FC Barcelona (@FCBarcelona) October 20, 2020

Шпанските медиуми овој потег на Пике го окарактеризираа како забивање нож во грбот на Меси и најавуваат нова „тивка војна“ во соблекувалната на каталонскиот тим.

Медиумите шпекулираат дека овој потег на Пике може да го натера Меси и дефинитивно по завршување на сезоната кога ќе стане слободен играч да си замине од Барселона откако тоа не му успеа изминатото лето.