Четири најчести причини за габични инфекции и воспаленија
Габичното воспаление е едно од најчестите гинеколошки проблеми. Жените честопати се жалат на постојано враќање на воспалението, a не им е јасно зошто тоа се случува. Помалку е познато дека и секојдневните навики можат да придонесат за развој на габичното воспаление.
Присуството на габичка во човечкиот организам е физиолошко и нормално. Родот кандида е дел од физиолошката флора на матката кај до 50 отсто од жените кои немаат никакви симптоми. Постојат повеќе видови на кандида, но далеку најчеста е кандида албиканс (Candida albicans), која се забележува кај 80 до 90 отсто од воспаленијата на матката (вагинитис) и воспаленијата на вулвата (вулвитис), велат гинеколозите.
Кандидата во матката веројатно доспева од дебелото црево, но не секогаш предизвикува воспаление. За кандидата да не предизвика болест, т.е. симптоми, неопходно е околината во матката да биде неоштетена, односно матката да изобилува со физиолошки „добри“ бактерии како што се лактобацили, што обезбедува доволно киселост на матката.
Далеку најчестиот, доминантен симптом на воспаление – вулвовагиналната кандидијаза е чешањето. Се јавува и непријатност, па дури и болка при сексуалниот однос и уринирањето. Секретот е бело-груткаст, како сирење, но исто така, може да биде и проѕирно воденест. Ако постои непријатен мирис, најверојатно станува збор за бактериска или мешана инфекција.
Вулвата е црвена, може да биде отечена и жената да чувствува печење и непријатност, посочуваат гинеколозите.
Не постојат единствени мерки што можат да обезбедат заштита од оваа непријатна и честа болест. Но, ако сакате да го намалите ризикот од настанување на воспаление предизвикано од габичката, избегнувајте ги следниве четири секојдневни навики:
- Консумирање големи количини храна или пијалациштосодржат квасец или шеќер
Се чини дека е премногу очигледно за да биде вистина, но не е мит: кога консумирате храна што содржи шеќер и квасец, овие супстанции доспеваат во крвотокот, а потоа во матката (вагината). Габичката се храни со шеќерот и скробот. Пивото и виното содржат квасец и шеќер, така што прекумерното консумирање алкохол може да придонесе за развој на габично воспаление.
Ако сте склони кон габични воспаленија, бидете умерени во консумирањето слатки и храна како што се мувлосано сирење, печурки и која било ферментирана храна.
- Премногу често земањеантибиотици
Антибиотиците можат да ги убијат бактериите што предизвикуваат болест, но можат да ги уништат и добрите бактерии (Lactobacillus или Bacillus vaginalis – Döderlein bacillus), кои ја одржуваат киселоста на матката, т.е. пХ вредноста на матката е ниска. Кога нема доволно лактобацили, матката не е доволно кисела, така што се зголемува можноста за развој на габично воспаление.
- Користење одредени видови на контрацепција
Габичнoто воспаление почесто се забележува кај корисничките на хормоналната контрацепција, но и кај трудниците. Во овој случај, се пропишува контрацепција со помала доза на естроген и пробиотици.
- Носите премногу тесна и влажна облека
За да предизвика габичката воспаление, околината мора да биде топла, влажна и недоволно кисела. Кога вагината е компресирана, стисната („не дише“), поголема е можноста да се создадат таквите услови.
Синтетичката и другата тесна облека, која е иритирачка и механичка, може да ја зголеми можноста за настанување на габично воспаление. По вежбањето и пливањето, препорачливо е да облечете сува и чиста облека.