Еден маж загина во Хрватска откако чамец со мигранти се превртел во реката Уна, објави хрватски „Индекс“.

Полицијата, за време на надзор на државната граница, рано утрината слушнала повик за помош од непозната личност од реката Уна, кај градот Хрвацка Костајница, на местото Росуље.

На местото на настанот биле упатени полициски патроли, а биле повикани и други итни служби. Досега е пронајден еден жив маж, како и едно тело на непознат маж.

Утврдено е дека дошло до превртување на чамец со кинески мигранти во кој се наоѓале повеќе луѓе. Полицајците и спасувачите со пловила и со дронови интензивно трагаат по исчезнатите.

Брод се преврте во Либија, 53 мигранти се водат како исчезнати, меѓу нив и две бебиња