Чајот од ова растение се користи за ублажување на инфекции и воспалителни процеси во организмот. Содржи минерални соли, растителни влакна и есенцијални масла. Покрај тоа, богато е со витамини А, К, Ц и Б6, а од минералите содржи магнезиум, манган, калиум и железо.

Чајот од босилек помага против болка во мускулите. Спречува болести на дигестивниот систем, а помага и при болести на бубрезите, мочниот меур и во проблеми со мокрење. Одличен е за луѓето кои имаат проблеми со несоница и хроничен замор, главоболка, настинки, грип, бронхитис, астма и спречува разни инфекции.

Чај од босилек за кашлица

Чајот од босилек е погоден за проблеми со респираторниот систем, кашлање и исфрлање на слуз. Воспалението на респираторните органи доведува до кашлање, кое честопати може да биде постојано и непријатно.

Моќта на ова растение може да помогне да се исчистат бронхиите и да помогне во исфрлање на слузта што ги иритира дишните патишта. Чајот од босилек ја смирува кашлицата и постепено, со редовно пиење чај, кашлицата ќе исчезне.

Инхалација на чај од босилек за синуси

Голем број луѓе честопати имаат проблеми со кивање, синуси и затнат нос, без разлика дали станува збор за алергиска реакција или воспаление.

Чајот од босилек може да го користите и за инхалација. Ставете две лажици сушен босилек во литар врела вода и оставете го да отстои покриен 5 минути. Потоа, започнете да вдишувате со ставање на лицето во позиција над садот за чај, покријте ја главата со крпа и длабоко вдишете.

Возрасните можат да инхалираат неколку минути, а децата само 2-3 минути. Доволно е да се повтори постапката 2 пати во текот на денот.