Бурна ноќ за полицијата и инспекторите: Испразнета салата „Јане Сандански“ – 150 навивачи од трибините испратени дома
Полицијата и пазарните инспектори вечерва ја испразнија салата „Јане Сандански“ каде што се затекнати околу 150 навивачи, дознава „Слободен печат“.
-Публиката е испразнета со полицијата, а од наша страна се преземени соодветните законски мерки против организаторот. Ракометниот натпревар бил меѓународен меѓу екипите на Вардар и Брест, изјави за „Слободен печат“ Стојко Пауновски, директор на Државниот пазарен инспекторат додавајќи дека натпреварот сепак се одиграл до крајот.
Публиката го напуштила на полувреме, пред да го проследи конечниот резултат.
Исто така вечерва ресторан во Тетово е затворен откако во него пазарните инспектори затекнаа околу 100 гости на настан, соопшти ДПИ.
Во соработка со полицијата објектот е испразнет и преземени се соодветни мерки, согласно законот и протоколите.