Еден од главните адути на тренерот на Арсенал, Микел Артета, во трката за титулата е секако е англискиот фудбалски репрезентативец Букајо Сака.

Поради неговите одлични настапи и важноста за тимот, раководството на клубот одлучи да го награди со нов договор кој ќе важи до 2031 година.

Сака потпиша нов петгодишен договор, а според Би-Би-Си дека тој ќе стане најплатениот играч во тимот.

Се очекува крилниот напаѓач да заработува околу 300.000 фунти неделно, а „Топџиите“ на тој начин го зачуваа јадрото на тимот на долг рок, откако Вилијам Салиба, Габриел, Итан Нванери и Мајлс Луис Скели потпишаа нови договори во текот на летото.

Оваа сезона досега во Премиер лигата има 22 настапи, и по четири голови и асистенции, а во Лигата на шампионите шест настапи, и по два голови и асистенции.

Тимот на Артета е моментно на врвот на Премиер лигата со четири бода повеќе од второпласираниот Манчестер сити против кој ќе игра во финалето на Лига Купот во март.