Бугарин денеска беше обвинет за шпионажа, за наводно користење дрон за фотографирање на поранешен воен камп во Солун, и беше ослободен до судењето, објави „Катимерини“.

Триесет и петгодишниот Бугарин беше приведен во сабота откако еден граѓанин ги известил властите дека управува со дронот, а полицијата утврдила дека немал потребна дозвола.

Прегледот на дронот наводно открил термичка слика од поранешниот воен камп „Фармакис“ во градската населба Каламарија.

Осомничениот ги негираше обвиненијата, велејќи дека тестирал новостекнат дрон, не бил свесен за близината до поранешниот воен објект и случајно ја направил термичката слика. Тој рече дека живее и работи со години во Солун.

Тој беше ослободен од притвор под услов редовно да се јавува во полициска станица и да не ја напушта земјата.

Прва реакција на НАТО откако руски дрон удри во зграда во Романија