Бруно Марс постави нов рекорд: Продаде 2,1 милион билети за еден ден
Поп-ѕвездата Бруно Марс постави нов рекорд во продажбата на билети за концерт, објави „Форбс“. Во четвртокот тој продаде дури 2,1 милион билети за својата турнеја „Романтик тур“, што е најголема дневна продажба на билети во Северна Америка, Европа и Велика Британија во историјата на „Лајв нејшн“.
Препорачано
Марс минатата недела на платформата Икс најави нов албум со кратката порака: „Мојот албум е готов“.
My album is done.
— Bruno Mars (@BrunoMars) January 5, 2026
„Форбс“ проценува дека во 2025 година Марс заработил околу 31 милион долари пред оданочувањето, претежно благодарение на својата резиденција во хотелот „Парк МГМ во Лас Вегас. Ова го стави на 22. место на листата на најплатени музичари на „Форбс“, во друштво на изведувачи како Сабрина Карпентер и кантри суперѕвездата Морган Вален.
Бруно Марс немал комплетна турнеја од светската „24K меџик“ во 2016 година, а минатиот четврток ја најави турнејата „Романтик тур“. Новиот албум се очекува да излезе на 27 февруари.
