Британските вооружени сили го распоредија системот за воздушна одбрана „Стормер“ на Кипар за да ја зајакнат воздушната одбрана над медитеранскиот остров, објави денес британското Министерство за одбрана, пренесуваат кипарските медиуми.

Системите „Стормер“, се опремени со ракети земја-воздух „старстрајк“. Тие беа распоредени откако британските сили пресретнаа 14 беспилотни летала во тој дел од Медитеранот, објави „Сајпрус меил“.

Системот за воздушна одбрана е дизајниран да се спротивстави на брзите, нисколетечки непријателски ракетни закани, вклучително и беспилотни летала.

Распоредувањето на воената опрема е дел од зајакнувањето на британското воено присуство околу Кипар, кое се интензивираше откако беспилотно летало од иранско производство ја погоди базата Акротири претходно овој месец.