Бразилска боксерка заврши во затвор, го претепала до смрт својот сопруг
Бразилската боксерка Вивиен Обенауф е обвинета за убиство на својот 61-годишен сопруг и се наоѓа во затвор.
Нејзиниот сопруг е пронајден мртов откако претрпел „тешки повреди нанесени со тап предмет“, пренесуваат медиумите.
Бразилската боксерска е уапсена на почетокот од неделата и е обвинета дека таа го претепала до смрт својот сопруг во домот во Швајцарија.
Вивиен Обенауф има 34 години која минатата година по поразот од Британката Тери Харпер ја заврши кариерата.
Обенауф е родена во Бразил, а интересно е дека прва љубов не и е боксот туку гимнастиката и има настап на Олимписките игри, додека во босерската кариера има скор од 14 победи и шест порази.
Таа на почетокот од годинава се омажи за 61-годишниот Томас по што отвори теретана, додека сопругот е сопственик на ресторан.
View this post on Instagram
Вивиен и во минатото имала проблеми со законот, во 2016 година заврши во полиција во Лондон откако претепала маж во ноќен клуб кој недолично се однесувал кон неа. Таа брзо била пуштена по што поранешното момче ја обвини дека е насилник и дека бил претепан од неа кога биле во алкохолизирана состојба.
Најголемиот успех во боксерската кариера и е победата со нокаут над дотогаш непоразената Наташа Џонс.