Денеска женската сениорска ракометна репрезентација на Македонија ја оствари и втората победа во квалификациите за пласман на Европското првенство во 2024 година.

На гостински терен во Вилнус ракометарките предводени од селекторот Кристијан Грчевски забележаа важен триумф над Литванија со резултат 28:31 во квалификациската група „5“.

Најефикасни во победата на Македонија беа Ристовска со девет, Седлоска со осум и Саздовска со шест голови. Два погодоци запиша Ѓорѓиевска, а по еден Гакидова, Килдан Јанеска, Џатевска, Јанкуловска, Арсениевска и Дабевска.

Во нашата група по две одиграни кола по четири бодови имаат Шпанија и Македонија, а ниту еден Литванија и Азербејџан.

Следните два натпревари нашата селекција ќе ги има против Шпанија, најпрвин дома на 28/29 февруари, а потоа на гости на 2/3 март 2024.