Младиот фудбалер на Борусија Дортмунд, Џад Белингем ја воодушеви фудбалска Европа на стартот од сезоната и со тоа го привлече вниманието на најголемите екипи на стариот континент.

Белингем кој со 18-години дебитираше за англиската сениорска репрезентација на Евро 2020, е на радарот на Ливерпул и Манчестер јунајтед кои веќе подготвуваат понуди за фудбалерот, а денеска и ја дознаа сумата која треба да понудат.

Весникот „Билд“ пишува дека Борусија Дортмунд одлучи да не ги разгледува понудите кои ќе бидат помали од 120 милиони евра, што би претставувало неверојатна заработка за „милионерите“.

Минатата година Белингем пристигна во Борусија за 25 милиони евра и потпиша договор со 2025 година, а доколку си замине идната година заработката на „милионерите“ би изнесувала речиси 100 милиони евра.