Борис Комнениќ почина на 64 години: ја загуби битката со тешката болест
Почина актерот кој беше првак на драма во Народниот театар во Белград, многумина го паметат по улогата во серијата „Подобар живот“ каде го играше ликот на Саша Попадиќ .
Роден во Пула на 29 март 1957 година, по гимназија која ја завршил во родното место, запишал Факултет на драмски уметности, а член на Народниот театар во Белград станал 1984 година. Негова најпозната телевизиска улога е онаа во серијата „Подобар живот“ каде го глумеше Саша, најстариот син на Ема и Гига Попадиќ.
Меѓу филмските и телевизиските проекти во кои играше се „Бал на вода“, „Горе долу“, „Ќе се вратат штрковите“, „Мирисот на дождот на Балканот“, „Апофенија“ и други.
Безживотното тело на Комнениќ било најдено во неговиот стан во Нов Белград, а медиумите објавуваат дека се борел со тешка болест. Комнениќ беше многу кратко оженет, а од тој брак ја има ќерката Ника.