Марко Асенсио е сè поблиску до Барселона! Веста ја пренесе вечерва каталонското радио „РАЦ1“, кое тврди дека Асенсио играчот се согласил со Барса за четиригодишен договор.

Асенсио е во последната година од договорот и нема апсолутно никакви најави дека би можел да ја продолжи соработката со Реал Мадрид.

Хорхе Мендеш го презеде Асенсио, а тоа не му се допадна на Флорентино Перез. Асенсио бараше поголема минутажа и посилен договор, но не го доби, напротив, Шпанецот целосно падна во втор план од почетокот на сезоната.

Шпанецот има 26 години, но не игра доволно и затоа сака нов предизвик. Она што сепак фрла сомнеж во оваа приказна е идејата на Барса да го врати Лионел Меси.

Деновиве каталонски извори пишуваа за идејата на Чави да го врати Меси барем уште една сезона. Асенсио не е ист тип на играч, никој не е сличен на Меси, но факт е дека и двајцата најчесто играат на позицијата десно крило, особено во формацијата 4-3-3 на Чави.

Исто така, не треба да заборавиме дека тука се Дембеле, Рафиња, Феран Торес, па сигурно е дека Чави ќе мора да продаде еден од нив, заедно со Депај кој најверојатно ќе си замине на лето.