Бојкоти, протести и Израел — Евровизија во сенка на политички тензии
Долго пред да се случи, годинешната Евровизија се соочува со сериозни политички контроверзии, а главна тема повторно се учеството на Израел и бојкотот на повеќе земји членки на ЕБУ, пишува „Дојче веле“.
Препорачано
-
1
-
2
-
3
Музичкиот натпревар ќе се одржи во Виена од 12 до 16 мај и тоа ќе биде неговото јубилејно 70-то издание, под мотото „Обединети од музика во срцето на Европа“. Но, наместо само музика и спектакл, Евровизија оваа година е обележана од политички тензии, бојкоти и најавени протести.
Повеќе од 1.100 уметници потпишаа отворено писмо со барање Израел да биде исклучен од натпреварот поради војната во Газа. Меѓу потписниците се Питер Габриел, Масив Атак, Роџер Вотерс и други.
Од друга страна, околу 1.100 личности од забавната индустрија потпишаа контра-писмо со поддршка за учеството на Израел.
Поради контроверзиите, неколку држави решија да ја бојкотираат Евровизија, меѓу нив Ирска, Холандија, Словенија, Исланд и Шпанија. Ова е првпат една од земјите од т.н. „Големата петорка“ да не учествува на натпреварот.
Виенската полиција веќе најави засилени безбедносни мерки и очекува големи протести за време на финалето.
Покрај политичките тензии, реакции предизвика и романската песна „Дави ме“ на Александра Капаитинеску, која дел од јавноста ја оцени како проблематична поради текстот, додека пејачката тврди дека станува збор за метафора за внатрешен притисок и стравови.
Во меѓувреме, Украина повторно привлекува внимание со настапот на Викториа Лелека, чија песна „Ридним“ зборува за стравот, надежта и идентитетот за време на војна.
Кога станува збор за музиката, Евровизија и оваа година носи многу емоции, драматични сценски настапи и денс електро-поп.
Глобалните конфликти и политички поделби сè повеќе се прелеваат и на Евровизија, која од година во година сè потешко успева да остане „аполитичен“ музички натпревар.
Следното издание на Евровизија со најмал број учесници од 2004 година, ќе настапат само 35 земји
