Поранешниот градоначалник на општина Дебрца, Зоран Ногачески, е осомничен дека цели 8 години не оданочувал граѓани и фирми, со што ја оштетил општината за околу 7.000 евра.

„СВР Охрид поднесе кривична пријава против З.Н.(60) од село Волино, општина Дебрца, поради постоење основи на сомнение за сторено кривично дело ‘злоупотреба на службена положба и овластување’ по член 353 од Кривичниот законик. Пријавениот, во периодот од 2017 до 2025 година, во својство на градоначалник на општина Дебрца, со пропуштање на должен надзор не утврдил правни и физички лица кои се сопственици, корисници или носители на право на располагање со недвижен имот на територијата на општина Дебрца кои подлежат на обврска за плаќање данок на имот, како и за нивно реоданочување“, изјави полицијата.

Со тоа, се додава во соопштението, пријавениот ја оштетил општина Дебрца во износ од 431. 245 денари (околу 6,995 евра).

Бившиот градоначалник на Свети Николе Сашо Велковски е осомничен дека издал неважечко одобрение за градење