Ново брутално убиство на жена ја потресе Македонија утрово. Битолчанец со нож ја избодел до смрт својата 31-годишна поранешна невенчана сопруга, со која не живееле заедно, соопшти битолската полиција.

Според информациите, тој е уапсен и задржан во полициска станица.

„Денеска (14.05.2026), полициски службеници од СВР Битола го лишија од слобода А.Р.(33) од Битола. Тој се сомничи дека утрово околу 06:40 часот со нож ја нападнал неговата сопруга А.В.(31) од Битола, со која не живееле заедно, а која од здобиените повреди починала на местото. Лекар од Итна медицинска помош констатирал смрт. Лицето е задржано во полициска станица и по целосно документирање на случајот, во координација со јавен обвинител, против него ќе биде поднесена соодветна пријава“, соопштија од полицијата.

Подмолниот убиец од Битола ја бодел жената додека спиела, со неа имал четири деца