Бискуп од Никарагва обвинет за заговор против државата
Католичкиот бискуп Роландо Алварез, кој беше уапсен и ставен во домашен притвор во август, е обвинет за заговор и ширење лажни вести, соопшти судското тело.
56-годишниот бискуп е обвинет за „кривично дело заговор за оштетување на националното единство“ и за „ширење лажни вести на штета на државата и општеството на Никарагва“, се вели во соопштението на црквата.
Врските меѓу Католичката црква и владата се затегнати од 2018 година, кога демонстрантите кои бараа оставка од претседателот на Никарагва се засолниja во црквите.
Владата го притисна монс. Алварез затоа што го критикуваше затворањето на пет католички радио станици во неговата епархија и бараше „да се почитува“ слободата на вероисповед и да се запре „прогонството“ на Католичката црква.
Тој беше уапсен на 20 август и ставен во домашен притвор.
Полицијата мерката ја оправда со „дестабилизирачки дејствија и провокации“ на владиката.
Европската унија објави информација дека Никарагва држи повеќе од 180 „политички затвореници“ и дека властите затвориле повеќе од 1.200 здруженија на граѓанското општество во првата половина на 2022 година.