Бијонсе неодамна се отвори за својата битка со псоријазата пред лансирањето на нејзината нова линија на производи за нега на коса.

Пејачката која влегува во индустријата за убавина вели дека сака на своите верни фанови да им обезбеди квалитетни производи, а својот проблем со болеста на кожата за првпат го сподели со јавноста за да ја подигне свеста за проблемот и да ги поддржи оние кои се борат со слични предизвици.

Имено, Бијонсе во интервјуто за „Есенс“ откри дека од мала се бори со псоријаза и детално опиша како нејзините лични искуства влијаеле на развојот на компанијата и на нејзините производи.

„…Детството го поминав во салонот на мајка ми. Таму татко ми ми нанесуваше масла на скалпот за да ми ја лекува псоријазата. И денес се сеќавам на сето тоа добро, тие спомени ми се свети“, објаснила таа.

Таа објасни дека се „откажала“ од долгата коса кога за првпат станала мајка. За неа и како уметник тоа било начин да се побуни против општеството кое „верува дека жената не треба да носи кратки фризури“ и да се ослободи од „сите стеги“.

ВИДЕО | Најдобрите реклами на годинашниот Супербол