„Беше расист“: Статуата на Винстон Черчил оштетена за време на протестите (ВИДЕО)
На статуата на славниот британски премиер Винстон Черчил во Лондон со спреј било напишано „беше расист“, за време на протестот против полициската бруталност и расизам во неделата.
Видео снимките покажале како мала група на демонстранти скандира „Черчил беше расист“ и „Борис (премиерот Џонсон) е расист“, јавува Индепендент.
Помала група на луѓе стоела околу статуата во очигледен обид да ја заштитат. На стомакот на статуата исто така е закачен натпис „Црните животи се важни“.
Џонсон: Протестите против расизмот се поткопани од грабежи
Протестите против расизмот во Велика Британија се изневерени од разбојништво, изјави британскиот премиер Борис Џонсон и предупреди дека одговорните ќе бидат приведени.
„Луѓето имаат право мирно да протестираат, додека одржуваат социјална дистанца, но немаат право да ја нападнат полицијата. Овие демонстрации се поткопани од разбојништво“, навел Џонсон на Твитер.
People have a right to protest peacefully & while observing social distancing but they have no right to attack the police. These demonstrations have been subverted by thuggery – and they are a betrayal of the cause they purport to serve. Those responsible will be held to account.
— Boris Johnson #StayAlert (@BorisJohnson) June 7, 2020