Почнува натпреварувањето во главната фаза на ЕХФ Лига Европа, а ракометарите на Вардар 1961 во првото коло од групата 3 ќе го играат во Португалија денеска од 18.45 часот против Бенфика.

Во вториот меч од истата група, од 20.45 часот силите ќе ги одмерат екипите на Мелсунген и Кристијанштад.

Мелсунген на табелата стартува со четири бода, по два имаат Вардар 1961 и Кристијанштад, а ниту еден Бенфика.

Првопласираните од секоја група директно ќе обезбедат пласман во четвртфиналето, а екипите што ќе се најдат на втората и третата позиција ќе играат во плејоф по што ќе се дознаат останатите четири патници.

Составот на Вардар 1961 за денешниот меч во Лисабон: Фереира, Валах, Стојановски, Боно, Георгиевски, Кеита, Митровиќ, Танкоски, Лазаревски, Марчинијак, Матиаба-Тузолана, Хориха, Франсиско Да Силва, Малус, Пинто, Јанковски.