Бектеши: Угостителските објекти со тераси може да отворат утре, работно време до 20 часот
Министерот за економија Крешник Бектеши информираше дека угостителските објекти кои имаат тeраси ќе можат да отворат утре, но ќе треба да ги исполнат препораките за дистанца и заштитна опрема. Додека пак останатите угостители ќе можат да отворат подоцна, откако ќе се види како ќе се почитуваат препораките.
– Ние имавме подготвен протокол од комисијата за заразни болести кој предвидува три фази во отворањето на угостителските објекти. Вчерашната одлука на владата е реализација на втората фаза. Ќе ја следиме ситуацијата и акко се почитуваат протоколите ќе се реализира и третата фаза за отворање на објектите и во затворен простор, рече Бектеши.
Работното време на угостителите ќе биде до 20 часот.