Една од мерките во четвртиот сет, како одговор на долгогодишните барања на бизнисот, е намалување е парафискалните давачки кои бизнис-секторот ги посочува како еден од клучните фактори за подобрување на конкурентноста, кажа министерот за економија Крешник Бектеши на средба со менаџментот на Стопанската комора на Северозападна Македонија.

Тој посочи дека во тек е формирање на мултиинституционална работна група, која во наредните неколку месеци ќе работи на утврдување на оние услуги кои имаат карактер на парафискални давачки, кои би можеле да се намалат и да се скратат.

– Нашата цел е да се намалат колку што можат административните обврски и трошоците на бизнисот, рече Бектеши.