Бектеши ги охрабрува приватните компании: Следете ја етничката застапеност како во јавниот сектор

Ги охрабруваме сите компании да пристапат на ист начин во застапеноста на етничките заедници, како што работи јавниот сектор, изјави министерот за економија Крешник Бектеши, говорејќи за најавената мерка за субвенции при вработување по принципот на рамноправна етничка застапеност.

– Ги охрабруваме, во делот на еднакво општество за сите и за Албанците и за Македонците и за другите, и тие да ја отсликуваат структурата на државата, како што е во јавниот сектор. Дали тоа ќе го направат приватните компании, ние не знаеме, изјави Бектеши при гостувањето во емисијата „Топ Тема“ на ТВ Телма.

Тој нагласи дека оваа мерка е предвидена во политичката програма на Владата и треба да се реализира во наредните четири години, а во однос на различните ставови што ги изнесоа претставници на СДСМ, изјави дека „пред да коментираат, треба, да ги читаат владините програми”.

Прочитајте и...  Бајден на реклами потрошил најмногу за рекламирање од кој било друг претседателски кандидат во историјата на САД

Според него, при спроведување на оваа мерка ќе се води сметка и за компетентноста на лицата што ќе бидат вработувани.

– Кога зборуваме за компетентноста, секако дека тие треба да бидат компетентни, било тоа да е Албанец, Македонец, Турчин, Србин. Треба да биде компетентен за да ги заврши работите што се предвидени, истакна Бектеши.

Тој нагласи дека на тековните средби со претставници на стопанските комори се разговара за четвртиот сет на економски мерки за справување со последиците од корона-кризата, но не и за мерката за помош при вработување по етнички клуч.

– При кроење на буџетот за 2021 година, секако дека ќе разговараме со стопанските комори и ќе ги земеме во предвид нивните ставови, коментари и сугестии, истакна министерот Бектеши.

Прочитајте и...  Нов црн рекорд во Франција: Повеќе од 50.000 новозаразени, ситуацијата во болниците се влошува

Поврзани вести

Бајден: Трамп истакна бело знаме пред коронавирусот

Слободен печат

Стејт департмент: Утре стапува на сила примирје во Нагорно Карабах

Слободен печат

Путин: Не гледам ништо противзаконски во активностите на Хантер Бајден

Слободен печат

Нов црн рекорд во Франција: Повеќе од 50.000 новозаразени, ситуацијата во болниците се влошува

Слободен печат

ВИДЕО: Трамп тврди – „Конфликтот во Нагорно Карабах може лесно да се реши“

Слободен печат

Коронавирусот се појави и во хрватската Влада: Позитивна министерката Брњац, уште двајца министри одат во самоизолација

Слободен печат

Остави Коментар