Дисциплинската комисија на ФФМ денеска ја изрече казната за Башкими за инцидентите против Струга во изминатиот викенд кога гостинските фудбалери се соочија со проблеми при напуштањето на теренот.

Имено, Башкими од ФФМ доби забрана од четири натпревари за играње на домашен терен, но покрај тоа ќе плати и казна од 5.000 евра.

„Дисциплинската комисија при ФФМ донесе одлука ФК Башкими 1947 Куманово да се казни со забрана за играње на домашен терен во траење од четири натпревари и парична казна од 5.000 евра, поради слаба организација на натпреварот против ФК Струга Трим Лум, одигран во рамки на 28. коло од Првата МФЛ на 19.04.2026 година на стадионот „Башкими“ во Куманово, како и поради присуство на неслужбени лица на теренот и во службените простории и физички напад врз претставници и фудбалери на гостинската екипа“, соопшти ФФМ.

За Башкими ова значи и дека до крајот на сезоната нема да игра пред своите гледачи бидејќи им остануваат уште два домашни дуели кои сега ќе треба да ги игра надвор од Куманово.

Казни добија уште Иван Варадиновски (главен тренер) и Трајче Ников (тренер на голманите) од Кожуф кои се суспендирани со по два натпревари.

ВИДЕО | Во Куманово имало и „трето полувреме“, фудбалерите на Струга не можеле да го напуштат теренот