Славниот клуб од „Камп Ноу“ е подготвен да го тужи поранешниот играч за 10 милиони евра затоа што му платиле повеќе пари отколку што требаше!?

Во најава е нова „војна“ помеѓу Бразилецот и Барселона, потсетување Нејмар го напушти каталонскиот клуб во 2017 година со трансфер вреден 222 милиони евра евра кога се пресели во ПСЖ.

А сега три години подоцна, Барселона прегледувајќи ги своите финансиски книги, утврди дека клубот му платил на Нејмар повеќе пари отколку што требаше.

Даночната инспекција го разгледа финансискиот период за 2015 година, а информацијата ја пренесува „Мундо Депортиво“. Даночната агенција тврди дека Бразилецот профитирал од „неправедно богатење“ затоа што Барселона му платила на играчот поголема сума пари отколку што му следуваше.

Како резултат на тоа Барселона подготви тужба врз основа на „преплатување“, а доколку не се реши оваа ситуација, тој преплатен износ од 10.200.000 евра ќе се смета како „донација“ на Барселона на играчот. Шпанскиот весник „Спорт“ открива дека Барса му се заканува со суд на играчот доколку не врати 10 милиони евра.

Нејмар во моментов го има еден од најголемите долгови меѓу фудбалерите на сметка на шпанската каса, а според некои извештаи од септември, Бразилецот ѝ должи на државата вкупно 34.600.000 евра.

Барселона ќе користи секаква ситуација за избегнување на евентуален банкрот, веќе се планира намалување на платите на фудбалерите. Шпанските медиуми објавија дека долгот на клубот изнесува 820 милиони евра.