Европскиот преговарач за Брегзит, Мишел Барние денеска изјави дека постигнувањето на трговски договор со Велика Британија е олеснување, бидејќи е постигнат само една недела пред крајниот рок.

– Часовникот повеќе не отчукува. Денешниот ден е олеснување, но е обвиткан во некаква тага, додека споредуваме тоа што беше претходно со она што претстои, посочи Барние.

Тој додаде дека краткиот рок за преговори за договорот е „без преседан во однос на неговиот обем и сложеност” и оти ЕУ покажала единство и солидарност, што е нејзина сила.

– За мене беше голема чест да бидам дел од ова европско единство, истакна Барние.