Разочарувачката елиминација на германската репрезентација во 1/16 финалето на Светското првенство од Парагвај предизвика сериозни бранови во Германската фудбалска асоцијација.

Првиот човек на германскиот фудбал, Бернд Ноендорф, изјави дека резултатот не ги исполнува високите амбиции на репрезентацијата и најави детална анализа на неуспехот, што дополнително ги поттикна шпекулациите за иднината на селекторот Јулијан Нагелсман.

Според „Скај Спортс“, разделбата со Нагелсман станува сè пореална опција, бидејќи поддршката за сегашниот селектор во рамките на асоцијацијата значително ослабе. Иако Нагелсман ја отфрли можноста сам да поднесе оставка, неговиот статус е сериозно разнишан, и покрај фактот дека неговиот договор важи до Европското првенство во 2028 година.

Во меѓувреме, се појави и името на првиот кандидат за клупата на Германците. Според истите извори, Јирген Клоп е подготвен да ја преземе германската репрезентација доколку добие официјална покана од Фудбалската асоцијација. Трофејниот експерт наводно е отворен за оваа можност, што во моментов го прави главен фаворит за наследник на Нагелсман.

Според Фабрицио Романо, Јирген Клоп би бил отворен да размисли за селекторската клупа доколку првите луѓе на германскиот фудбал одлучат да го повикаат.

Нагелсман сака да остане, но конечната одлука е во рацете на асоцијацијата, па Клоп би бил отворен за слушање и заинтересиран за проектот.

🚨🇩🇪 Jürgen Klopp would be open to considering return to management if German Federation decide to call him.

Nagelsmann wants to stay but final decision in DFB hands, Klopp would be open to listening and keen on project.

🎥 https://t.co/cBTE2ezZfB pic.twitter.com/X2p0PBXnGP

— Fabrizio Romano (@FabrizioRomano) July 1, 2026