Пратеничката на Демократскиот сојуз на Косово Хикмете Бајрами изјави дека Косово е под санкции поради неспроведување на ЗСО и дека премиерот Албин Курти треба да изготви статут според договорот од 2015 година, пренесува Репортерс. Ваквата изјава уследи по говорот на Курти во парламентот, кога изјави дека благодарение на него ЗСО не се спроведува.

Како што наведува, најдобар начин за излез од кризата би било подготвувањето на статутот на ЗСО од страна на Курти.

„Тоа што го кажува Курти е точно. ЗСО не се спроведува и поради таа причина сме под санкции. Односите со меѓународните сојузници се на најниско ниво, а прашање е каде оди Косово. Најдобро би било Курти да го состави статутот на ЗСО како што стои во договорот од 2015 година, кој нема извршни овластувања, но и никаде да не се споменува Охридскиот договор“, рече Бајрами.