Во вторник баварскиот гигант има шанса со триумф да ја освои, односно одбрани шампионската титула во најсилното германско првенство.

На три кола до крајот на сезоната Баерн Минхен на бундеслигашката табела води со 73 бодови, седум повеќе од второпласираната екипа на Борусија Дортмунд. Тренерот на Баерн, Ханс Флик посакува во вторник (16 јуни, 20.30 часот) во Бремен неговите играчи да го обезбедат првото место.

Со евентуални три бода против Вердер, кој се бори за опстанок, гигантот од Минхен и официјално ќе дојде до својата осма последователна титула и 30 во историјата на клубот.

– Целта е да се победи во Бремен. Сакаме да ја обезбедиме титулата. Ние сме во одлична серија и сакаме да ја продолжиме победничката низа – рече Флик.

Распоред на натпревари на Баерн и Дортмунд во последните три кола:

16 јуни Вердер Бремен-Баерн Минхен
17 јуни Борусија Дортмунд-Мајнц

20 јуни Баерн Минхен-Фрајбург
20 јуни Лајпциг-Борусија Дортмунд

27 јуни Борусија Дортмунд-Хофенхајм
27 јуни Волфсбург-Баерн Минхен