Европскиот шампион Баерн Минхен оствари рутински триумф на гостувањето кај Арминија Билефелд победувајќи со 1:4.

Сите дилеми околу победникот беа разрешени во првото полувреме, а баварците поведоа уште во осмата минута со голот на Томас Милер. Најдобриот стрелец на екипата, Роберт Левандовски до крајот на првиот дел постигна два гола, од кои вториот беше на асистенција на Милер.
Ова беше 150. асистенција на Томас Милер во Бундеслигата со што стана првиот фудбалер во историјата на германската лига со вакво остварување.

Во второто полувреме по еден гол постигнаа и двете екипи, Милер за Баерн, а Доан го постигна почесниот гол за Арминија.

Со овие четири гола, Баерн Минхен дојде до бројката од 17 постигнати гола во првите четири кола со што го израмни рекордот на Борусија Менхенгладбах од сезоната 196/68.