Карлос Алкараз остана на првото место на АТП ранг-листата, но загуби 500 поени бидејќи се откажа од одбраната на титулата во Ротердам.

Шпанскиот тенисер има 13,150 поени, по него следуваат Јаник Синер со 10,300 и Новак Ѓоковиќ со 5,280.

Следуваат Германецот Александер Зверев со 4,605 и Италијанецот Лоренцо Музети со 4,405, додека Феликс Оже-Алијасим скокна за две места по освојувањето на титулата во Монпелје и сега е шести играч на планетата со 3,950 поени.

Американецот Тејлор Фриц е седми со 3,940, Алекс де Минор од Австралија падна за две места и е осми со 3,835, а во Топ 10 се и Бен Шелтон со 3,560 и Александер Бублик со 3,235 поени.

Кај македонските тенисери, најдобропласиран е Калин Ивановски кој падна за четири позиции и сега е на 872 место со 26 поени.