Во неверојатен натпревар во големото финале на Олимписките игри, Русија губеше со 0:2 во сетови, дојде до 2:2, но златниот медал на крајот им припадна на Французите. „Триколорите“ во фантастично финале славеа со 25:23,25:17,21:25,21:25,15:12.

Французите одлично го започнаа големото финале, во борбата за секоја топка, тие беа поконцентрирани и имаа повеќе среќа и дојдоа до првиот сет. „Триколорите“ беа уште подобри во вториот сет, доминираа од првиот поен и славеа со уште поубедливи 25:17.

Французите подобро го отворија и третиот сет, но овој Русите не се предадоа, во финишот дојдоа до 19:19, а во тие моменти им проработе и блокот, додека играта во поле беше на повисоко ниво што беше доволно да го освојат сетот со 21:25. Одличната игра продолжи на Русите продолжи и во четвртиот сет иако „триколорите“ победоа со 7:3. Но, малку подоцна резултатот беше израмнет 11:11 по што продолжи играта на нерви. Во финишот сепак Русија поведе со 21:18 и дојде до предност која и беше доволна за триумф од 21:25.

Во одлучувачкиот сет, руските одбојкари беа подобри на стартот и поведоа со 4:6, но Французите направија мини серија од 3:0 по што се играше поен за поен до 10:10. Во тие моменти Французите поведоа со 13:11 по што стекнатата предност ја задржаа до крај за олимписка титула.

Ервин Нгапет со 26 освоени поени беше најдобар кај новиот олимписки шампион, а одлична партија прикажаа и Жан Патри со 15 и Тревор Клевено со 11 освоени поени. Кај Русија, расположени за игра беа Максим Михајлов со 22, Егор Клиука со 20 и Иван Каковлев со 10 освоени поени.