Атлетико Мадрид и дефинитивно си обезбеди страшно засилување
Атлетико Мадрид ќе го официјализира трансферот на Родриго Де Пол веднаш по крајот на Копа Америка.
Експертот за трансфери Фабрицио Романо на својот Твитер профил потврди дека договорот е потпишан, дека сè е договорено и дека не е официјализиран само затоа што Аргентинецот сака да се посвети на националниот тим и походот за трофејот на Копа Америка.
Атлетико ќе му плати 35 милиони евра на Удинезе за одличниот 27-годишен играч за врска, а Де Пол ќе потпише договор до летото 2026 година.
Наводно, со неговото доаѓање, тренерот на „јорганџиите“ Диего Симеоне ќе биде подготвен да се откаже од Саул Њигез, кој има пазарна вредност и Атлетико би можел да заработи од неговата продажба. Претходно играчот се поврзуваше со Баерн Минхен и Манчестер Јунајтед, но немаше конкретни понуди.
Инаку, Де Пол синоќа го постигна првиот гол во победата на Аргентина над Еквадор, и тој е незаменлив во средниот ред на Лионел Скалони на јужноамериканското натпреварување. Аргентина во полуфиналето ќе игра против Колумбија, а во потенцијалното финале со Бразил или Перу.