Арсенал ремонтот на екипата го започна од одбраната и за првото засилување издвои 50 милиони фунти.

По само една сезона помината во Премиер лигата и со два настапи за англиската репрезентација, младиот дефанзивец на Брајтон, Бен Вајт го договори трансферот на кариерата, ќе се пресели во Арсенал.

Како што јавува „Скај спортс“, двата клуба постигнаа договор и сега останува да се среди документацијата пред трансферот да биде и официјално потврден.
Лекарските прегледи на Вајт се закажани за 26 јули, по што и официјално ќе стави потпис на договорот со Арсенал.

Бен Вајт потекнува од младинската академија на Саутемптон, а во 2014 година се пресели во Брајтон каде помина низ младите категории по што пред да биде имплементиран во првиот тим, неколку сезони помина на позајмица во Њупорт, Питерборо и Лидс.

Минатата сезона беше стандарден во одбраната на Брајтон, а пред стартот на Евро 2020 доби повик од селекторот Гарет Саутгејт.
Одигра два контролни натпревари за репрезентацијата, а по повредата на Трент Александер-Арнолд беше повикан да биде дел од „Гордиот Албион“ на ЕП каде не одигра ниту една минута.