Аргентина го брка шестото, а Хрватска второто финале на светските првенства
Денеска се враќаат возбудувањата на Светското првенство во Катар каде од 20.00 часот ќе се игра првото полуфинале помеѓу Аргентина и Хрватска на стадионот Лусаил, а главен судија ќе биде Даниеле Орсато од Италија.
Аргентина и Хрватска во меѓусебните натпревари имаат по две победи, единствено ремизираа во 1994 година во пријателски меч (0:0).
😍 It is Semi-final day at the #FIFAWorldCup
Who will come out on top? 🤔
— FIFA World Cup (@FIFAWorldCup) December 13, 2022
На Мундијалот во 1998 Аргентинците беа подобри со 1:0, а на Мундијалите се сретнаа и во 2018 кога Хрватите беа убедливи со 3:0. Во меѓувреме одиграа уште два контролни дуели, во 2006 „коцкестите“ славеа со 3:2, а во 2014 се реваншираа „гаучосите“ (2:1).
Хрватска е во позиција да стигне до второто последователно финале на светските првенства и така би се нашле во одбрано друштво откако тоа им успеа до сега на Бразил, Германија, Италија и Холандија.
Селекторот на Аргентинците, Лионел Скалони не може да смета на Гонзало Монтиело и Маркос Акуња против Хрватска поради картони. За среќа на Скалони, ниту еден играч не беше повреден на дуелот против Холандија, па селекторот на Аргентина ги има на располагање сите играчи.
Во слична ситуација е и хрватскиот селектор Златко Далиќ кој може да смета на сите играчи бидејќи во тимот нема повредени или суспендирани играчи, а од болест се опоравија Борна Соса и Мислав Оршиќ.