Во Република Српска е разбиена шема со незаконско делење возачки дозволи, при што има и уапсени, пренесе Кликс.ба.

Сопственици на автошколи, во договор со членовите на испитната комисија, подолго време им дозволувале на кандидатите нелегално да полагаат возачки испит со паричен надомест. Во полициската акција која била спроведена вчера на подрачјето на Нови Град, Приједор и Костајница, уапсени се осум лица, објави Министерството за внатрешни работи на Република Српска на Фејсбук.

Тие се товарат за низа незаконитости и злоупотреби во постапката за полагање возачки испити.

Шема за поткуп

Врз основа на досегашната истрага, тие сториле кривични дела како дел од злосторничко здружение, злоупотреба на службена положба или овластување и тргување со влијание.

Целата операција беше спроведена под надзор на Специјалното одделение на Јавното обвинителство на Републиката за сузбивање на корупцијата, организираниот и најтешките форми на економски криминал.

Возачки дозволи и неписмени

Собраните докази укажуваат на сомневање дека десетици лица кои добиле возачка дозвола не ги исполнувале општите здравствени услови за возачи. Дополнително, многу од нив немале потребно познавање на сообраќајните прописи, а некои се осомничени дека се неписмени.

Како дел од акцијата, полицијата претресе 13 локации по наредба на Окружниот суд во Бања Лука. Полициската управа Приједор и Министерството за внатрешни работи на Унско-санскиот округ, исто така, соработувале во спроведувањето. Уапсените лица ќе бидат изведени пред надлежниот обвинител по обработката, заедно со извештај за стореното кривично дело.

Секој ден 100 луѓе остануваат без возачки дозволи – оваа земја им ги одзема по првиот прекршок поради користење телефон