Апостолов: Кај нас најголемиот проблем околу истражувачкото новинарство се парите

Новинарската награда „Никола Младенов“ која во изминативе години ја доделува Македонскиот институт за медиуми за истражувачки стории годинава му припадна на новинарот Владо Апостолов за сторијата „Жив и надграден: Лукративниот бизнис-клуб околу РЕК Битола“.

Сторијата е објавена на интернет-страницата „Призма“и открива како се злоупотребува системот на јавни набавки за внесување фирми блиски на власта во профитабилниот бизнис за ископ на јаглен за потребите на термоелектраната РЕК Битола.

-Кај нас најголемиот проблем околу истражувачкото новинарство се парите. Тука е и времето и вештините. Ретко каде вештините се учат, бидејќи не е баш така лесно да напишеш истражувачка сторија. Треба да најдеш редакција која ќе дозволи да се сконцентрираш на една тема. Во моментов стационирани сме дома, не работиме од канцеларија и ги почитуваме мерките, изјави за „Утрински брифинг“ на „Слободна ТВ“, новинарот, Владо Апостолов.

Видео на денот