Возачот на Мерцедес, Андреа Кими Антонели е победник на трката за Големата награда на Канада во рамките од Формула 1 шампионатот.

19-годишниот италијански возач ја забележа својата четврта последователна победа во пет трки оваа сезона на патеката во Монтреал.

Второто место му припадна на седумкратниот светски шампион Луис Хамилтон од Ферари, кој го имаше својот втор подиум во сезоната, додека четирикратниот светски шампион Макс Верстапен од Ред Бул заврши на третата позиција за својот прв подиум во годината.

Возачот на Ферари, Шарл Леклер, го освои четвртото место, Исак Хајар од Ред Бул ја помина целта на петтото место, а бодови освоија и Франко Колапинто од Алпин, Лиам Лосон од Рејсинг Булс, Пјер Гасли од Алпин, како и возачот на Вилијамс, Карлос Саинц и возачот на Хас, Оливер Берман.

Поради технички проблеми, возачите на Мерцедес, Џорџ Расел, кој стартуваше од првото место, и возачот на Мекларен и актуелен светски шампион, Ландо Норис, не ја завршија трката.

Во генералниот пласман, Антонели води со 131 бод, Расел е втор со 88 бода, Леклер е трет со 75 бода, додека Хамилтон е четврти со 72 бода.

Следната трка е на 7 јуни за Големата награда на Монако.