Холивудската актерка Анџелина Џоли (50) отворено проговори за двојната мастектомија што ја направи во 2013 година. Таа, во новото интервју за францускиот „Френч интер“, проговори зошто ги сака своите лузни.

Анџелина изјави дека нејзините лузни од двојната мастектомија „се избор“ и е „благодарна“ што успеала да го направи тоа.

– Па, отсекогаш сум била личност која е повеќе заинтересирана за лузните и животот што луѓето го носат со нив. Не ме привлекува некоја совршена идеја за живот без лузни. Ги гледам моите лузни како избор што сум го направила за да направам сè што можам за да останам тука што е можно подолго со моите деца. За мене, мислам дека ова е живот. И ако стигнете до крајот на вашиот живот, а не сте направиле грешки, не сте направиле неред, немате лузни, не сте живееле доволно исполнет живот – рекла актерката.

– Ги сакам моите лузни поради тоа, знаете, и благодарна сум што имав можност да имам избор да направам нешто проактивно во врска со моето здравје. Ја изгубив мајка ми кога бев млада, ги одгледувам моите деца без баба – додала таа.

Мајката на Анџелина, актерката Марселин Бертран, почина во 2007 година на 56-годишна возраст од рак.

Во колумна од мај 2013 година за „Њујорк тајмс“ со наслов „Мојот медицински избор“, Анџелина напиша дека лекарите ѝ рекле дека тестовите откриле „оштетен ген“, BRCA1, кој значително го зголемува ризикот од рак на дојка.

– Сакав да го напишам ова за да им покажам на другите жени дека одлуката за мастектомија не беше лесна. Но, тоа е одлука за која сум многу среќна што ја донесов. Моите шанси за развој на рак на дојка се намалија од 87 проценти на помалку од 5 проценти. Можам да им кажам на моите деца дека не треба да се плашат да не ме изгубат поради рак на дојка – рекла познатата актерка во 2013 година.

Во март 2015 година, Анџелина Џоли ги отстрани јајчниците и јајцеводите од превентивни причини за да го намали и ризикот од рак на јајчници.

Во нејзиниот претстоен филм „Кутур“, чие дејство се одвива за време на Неделата на модата во Париз, Анџелина ја игра улогата на режисерка која поминува низ развод и е дијагностицирана со рак на дојка. Во филмот, таа зборува и англиски и француски.

@france.inter À l’occasion de la sortie de “Coutures” d’Alice Winocour (au cinéma le 18 février 2026), Angelina Jolie évoque son opération (une double mastectomie), un choix motivé par son amour pour ses enfants. Elle était l’invitée de 7h50 au micro de Benjamin Duhamel dans La Grande Matinale. Pour réécouter, cliquez sur le lien en bio @france.inter #SinformerSurTikTok #ApprendreSurTikTok #AngelinaJolie #cinema #cancer ♬ son original – France Inter

Анџелина Џоли го напушта Холивуд: „Повеќе не може да избега од драмата со Бред Пит“