Рубен Аморим никако да го врати Манчестер јунајтед на вистинскиот пат. Резултатите го покажуваат тоа, и секојдневно доаѓаат критики кон Португалецот од клупските легенди.

Факт е дека дури и Ерик тен Хаг имаше подобри резултати од него, а Манчестер јунајтед во моментов е клуб кој е далеку поблиску до последнопласираниот клуб отколку оној на врвот.

Боли поразот од Тотенхем, факт е дека идеите на Аморим во Манчестер не функционираат. Од последните 12 натпревари, фудбалерите на Манчестер јунајтед загубија на осум.

Доколку се продолжи со ова темпо, Аморим би можел да го собори негативниот рекорд поставен минатата сезона од Тен Хаг, кога е во прашање бројот на бодови на крајот од сезоната.

Звучи неверојатно што во првите 14 натпревари како тренер, Аморим е убедливо најлошиот во ерата по Алекс Фергусон.

Ова е списокот на седумте менаџери кои го тренираа Јунајтед на првите 14 натпревари:

1. Солскјер 35 бодови
2. Рангник 26
3. Тен Хаг 26
4. Ван Гал 25
5. Мојес 22
6. Мурињо 21
7. Аморим 14