Езџан Алиоски, беше дел од македонската А репрезентација која настапи на Европското првенство на кое претрпе три порази во рамките од групата „Ц“.

На последниот дуел во Амстердам, Горан Пандев го одигра последниот натпревар во сениорскиот дрес, а по завршувањето на истиот се збогуваше и досегашниот селектор Игор Ангеловски.

Алиоски им се заблагодарува на Пандев и Ангеловски кои беа едни од најзаслужните што за првпат една наша сениорска репрезентација се најде на едно големо натпреварување.

– Горан Пандев, ти секогаш беше вистинска инспирација за мене. Игор Ангеловски, во овие шест години заедно, направи да испишеме историја! Со зборови не може да се опише колку сум благодарен кон тебе – напиша Алиоски.

Guard of honour for our two legends:#GoranPandev , you have always been a true inspiration for me, and will always be one. #IgorAngelovski , in these 6 years together, you made us write history! Words alone cannot describe how grateful I feel to you. #thankyou #truelegend pic.twitter.com/SFL5JxXwpp

— Ezgjan Alioski (@ezgjanalioski) June 23, 2021

Веднаш по објавата на својот Твитер профил, реагираа и навивачите на Лидс кои посакуваат нашиот играч да потпише нов договор со клубот, односно и во следната сезона да настапува во Премиер лигата.

Очекуваме Алиоски да биде и натаму една од важните алки во националниот состав, потсетување дека во септември ќе продолжат квалификациите за Светското првенство 2022 Катар.