„Албанската мафија, најстрашната во светот“! „ЗДФ“, документарец за бандите: Тие следат силен код на одмазда! (ФОТО)
„Албанската мафија е една од најстрашните криминални организации во светот!“ – Вака пишува германскиот гигант „ЗДФ“, во својата репортажа за албанските криминални банди, како дел од серијата документарци посветени на криминалните организации ширум светот, пренесува Балканвеб.
Репортажата трае 43 минути а може да се гледа само во Германија. Меѓудругото во натписот се вели дека „оружјето, трговијата со луѓе и дрогата се најпрофитабилните области на бизнисот за албанските криминалци”.
Новинарот Давид Бериаин бил во Албанија за да ги види одблизу структурите на овие криминални организиации, кои, како што пишува ЗДФ, своите корени ги наоѓаат во традиционалните убедувања и племенските преданија за код на чест и крвна одмазда.
Во документарецот, Давид зборува со неколку маскирани лица, кои не откриваат многу детали за организациите на кои им припаѓаат.