Африкански куп на нации: Мароко и Сенегал во четвртфинале

Африкански куп на нации/ фото: EPA-EFE/FOOTOGRAFIIA

Фудбалските репрезентации на Мароко и на Сенегал обезбедија пласман во четвртфиналето на Африканскиот куп на нации. Мароко со 2:1 го совлада Малави, додека Сенегал триумфира над Зеленортските Острови со 2:0.

Малави поведе во седмата минута по необичниот гол на Мханга, но Мароко со пресврт ја оправда фаворитската улога. Прво, напаѓачот на Севиља, Јусеф Ел-Несири во судиското продолжение од првиот дел донесе израмнување, за во во вториот дел Ашраф Хакими со одличен удар од слободен удар да донесе триумф за својата репрезентација.

Сенегал ја искористи предноста од двајца играчи повеќе на теренот по црвените картони на Андраде и на голманот Возиња и славеше со 2:0 над Зеленортските Острови.

Головите за Сенегал ги постигнаа Садио Мане во 61 и Бамба Диенг во 90 минута.
Сенегал во четвртфиналето ќе игра против победникот од дуелот помеѓу Мали и Екваторијална Гвинеја. Мароко пак го чека подобриот од мечот Египет – Брег на Слонова Коска.

Видео на денот