Момчето К.К. кој го изврши масакрот во основното училиште „Владислав Рибникар“, кога беа убиени десет лица, изразил каење за стореното, изјави за N1 адвокатката на неговиот татко Ирина Боровиќ.

К.К. бил сослушан преку видеоврска како сведок во постапката што Вишото јавно обвинителство ја води против неговиот татко Владимир К.. Обвинителството се сомнева дека таткото го обучувал синот да ракува со огнено оружје и муниција носејќи го во стрелачкиот клуб да вежба гаѓање цели со огнено оружје.

Адвоката Боровиќ за N1 изјавила детето детално било испрашано и во изјавата го потврдил она што претходно го изјавил таткото, за начинот на чување на оружјето со кое е извршено масовното убиство.

„Тринаесет годишниот К.К. денеска изрази каење за тоа што го направи“, изјави адвокатката Боровиќ.

К.К. На 3 мај изврши масовно убиство во основното училиште „Владислав Рибникар“.Убиени беа осум ученици и чуварот. Едно девојче почина неколку дена подоцна, со што конечниот број на загинати се искачи на десет.

Момчето во моментот на делото имше 13 години и не може кривично да одговара. Се уште е сместен во здравствена установа, од каде најчесто и преку видео линк му се извршуваат прегледи.

Против неговиот татко Владимир К. се води кривична постапка поради сомнение дека сторил тешко кривично дело против општата безбедност.

извор : N1info.rs