Средствата и резервите на Руската централна банка (РЦБ) во вредност од околу 7,4 милијарди швајцарски франци (близу 7,6 милијарди евра) се блокирани во Швајцарија од руската инвазија на Украина.

Ова денеска го соопшти економското министерство на алпската земја, цитирано од Франс прес и БТА. Трансакциите поврзани со управувањето со резервите и средствата на Руската централна банка се забранети од 25 март 2022 година. Во моментов во ЕУ се водат дискусии за можната употреба на средствата на РЦБ за инвестициски цели и за реконструкција на Украина.

„Швајцарија внимателно ги следи овие дискусии“, нагласува одделот. Швајцарија, која е традиционално неутрална, одлучи да се приклучи на санкциите на ЕУ против Русија, обврзувајќи ги банките да ги предадат информациите за засегнатите клиенти и компании, потсетува АФП.