1МФЛ: Дерби со различни амбиции, Шкендија домаќин на Вардар
Денеска продолжуваат возбудувањата во Првата македонска лига со натпреварите од 20 коло, дербито е во Тетово, Шкендија го пречекува Вардар.
Од 14.00 часот играчите на Ернест Ѓока ја имаат фаворитската улога против тимот на Никола Илиевски. Тетовските „црвено-црни“ сезонава имаат одлични резултати кои водат кон нова шампионска титула, тоа го докажаа и лани во првиот меѓусебен меч токму против Вардарци славејќи со 1:5. Последен пат Вардар славеше во Тетово во сезоната 2016/2017 со резултат 0:2.
Ново дерби во кое сега амбициите се различни, Шкендија атакува на освојување на трофејот, а Вардар со цел да преживее и кој во изминатиот период се соочи со финансиски проблеми. Џиџи во составот има спој на младост и искуство, да биде што порамноправен против секој ривал.
Во истиот термин од 14.00 часот на останатите четири меча Пелистер е домаќин на Ренова, потоа Беласица ќе ги одмери силите со Струга Трим Лум, Македонија ЃП ќе игра против Борец, а Шкупи на теренот на ФФМ се соочува со Академија Пандев.
Моментно како изгледа табелата во шампионатот: Шкендија 42 бодови, Шкупи 36, Македонија ЃП 34, Струга Трим Лум 29, Работнички 28, Вардар 26, Борец 25, Силекс 23, Пелистер 19, Ренова 19, Академија Пандев 17, Беласица 12.