Селекторот Кирил Лазаров го објави поширокиот список на ракометари кои ќе конкурираат за настап на Европското првенство кое е на програмата на средината на јануари.

Во составот од 35 играчи се наоѓаат само двајца интернационалци: голманот Мартин Томовски кој блеска во Битигхајм, Германија, и левиот бек Михајло Младеновиќ од Кретеил, Франција. Сите останати ракометари доаѓаат од домашното првенство.

Поширокиот список на Македонија за ЕП:

Голмани: Никола Митревски (Еурофарм Пелистер), Мартин Томовски (Битигхајм), Марко Кизиќ (Алкалоид), Иван Галевски (Алкалоид), Васил Гогов (Вардар 1961)

Леви крила: Гоце Ојлески (Охрид), Петар Атанасијевиќ (Еурофарм Пелистер), Иван Џонов (Алкалоид), Марио Стојановски (Вардар 1961), Димитар Димитриоски (Прилеп)

Десни крила: Никола Костески (Алкалоид), Ненад Костески (Алкалоид), Ален Ќосевски (Вардар 1961), Александар Петковски (Алкалоид)

Средни бекови: Игор Ѓорѓиев (Алкалоид), Марко Митев (Алкалоид), Дамјан Митев (Алкалоид), Марио Танкоски (Вардар 1961), Мартин Ивановски (Алкалоид)

Десни бекови: Мартин Серафимов (Алкалоид), Томислав Јагуриновски (Охрид), Филип Николов (Бутел Скопје), Мартин Велковски (Алкалоид), Давид Савревски (Охрид)

Леви бекови: Филип Кузмановски (Еурофарм Пелистер), Павле Атанасијевиќ (Еурофарм Пелистер), Емилијан Ѓоргоски (Алкалоид), Михајло Младеновиќ (Кретеил, Франција)

Кружни напаѓачи: Жарко Пешевски (Еурофарм Пелистер), Милан Лазаревски (Вардар 1961), Валентин Карасманакис (Алкалоид), Марко Стојковиќ (Алкалоид), Самоил Ристевски (Еурофарм Пелистер)

Дефанзивци: Никола Маркоски (Алкалоид), Михаил Аларов (Алкалоид)

Македонија ќе се натпреварува во групата Б во Хернинг, Данска, против домаќинот Данска, како и Романија и Португалија. Двете најдобропласирани селекции ќе се пласираат во следната фаза.

Преземено од: Sport.com.mk

Талески со остри ставови: Не би го поздравил Лазаров, со Кузмановски не зборувам поради „лошо искуство“