10 симптоми кои може да откријат болести на црниот дроб
Црниот дроб можеби не е најголемиот орган, но сигурно игра голема улога во заштитата на здравјето.
Исклучително е важен за варење на храната и чистење на организмот од токсини. Болестите на црниот дроб можат да бидат наследни, а исто така, и предизвикани од различни фактори како што се: прекумерна употреба на алкохол, дебелина, дијабетес, незаштитен секс или изложеност на хемикалии и токсини.
Aко проблемите не се лекуваат, тие може да доведат до сериозни оштетувања на црниот дроб, па дури и до откажување на црниот дроб, што е опасна по живот состојба. Раната дијагноза и раното лекување може да му помогнат на црниот дроб да закрепне и да спречи сериозни проблеми.
Симптоми на болести на црниот дроб
Болестите на црниот дроб не секогаш покажува симптоми и знаци кои би ги откриле, но ако се појават, тие вклучуваат:
– болка во стомакот
– отекување на нозете и глуждовите
– чешање на кожата
– темна боја на урината
– светла столица
– хроничен замор
– гадење и повраќање
– губење на апетит
– честа појава на рани и модринки
– жолтеникава боја на кожата и на белките на очите
Кога да посетите лекар?
Закажете преглед кај лекар доколку имате честа појава на симптоми и тие не поминуваат и ве загрижуваат. Ако болката во стомакот е силна и не можете да ја смирите, веднаш контактирајте го вашиот лекар.
Како да го заштитите здравјето на црниот дроб?
– Одржувајте здрава телесна тежина
– Избегнувајте токсини
– Алкохол во умерени количини
– Не делете ги личните хигиенски предмети
– Практикувајте сигурни сексуални односи
– Мијте ги рацете
– Вакцинирајте се
– Лековите користете ги според препораките на лекар